മഹാരാഷ്ട്ര : തന്നെയും കുടുംബത്തെയും അധിക്ഷേപിച്ചവരുടെ മടിത്തട്ടിലാണ് തങ്ങൾ ഇരിക്കുന്നതെന്ന് ശിവസേന നേതാവ് ഉദ്ധവ് താക്കറെ തന്റെ വിമത എംഎൽഎമാരോട് പറഞ്ഞു.നിങ്ങൾ ബിജെപിയിൽ സന്തുഷ്ടരാണെങ്കിൽ അവർ അവിടെ തുടരണമെന്നും എന്നാൽ തനിക്ക് പാർട്ടിക്കാരുടെ കണ്ണീരാണ് കൂടുതൽ പ്രധാനമെന്നും അദ്ദേഹം പറഞ്ഞു.
‘നിരവധി ഭീഷണികൾ നേരിട്ട എന്റെ 14 എംഎൽഎമാരോട് എനിക്ക് നന്ദി പറയണം, പക്ഷേ അവർ എന്റെ ഭാഗം വിട്ട് പോയില്ല, അവർക്ക് നന്ദി പറയാൻ ഞാൻ ആഗ്രഹിക്കുന്നു.
അത്തരം ധീരരായ ആളുകൾ ഉള്ള പക്ഷം അവരുടെ സത്യം വിജയിക്കും.സുപ്രീം കോടതിയിൽ വരാനിരിക്കുന്ന ഹിയറിങ്ങിനെ കുറിച്ച് തനിക്ക് ജുഡീഷ്യറിയിൽ പൂർണ്ണ വിശ്വാസമുണ്ടെന്നും ജൂലൈ 11 ന് എന്തു സംഭവിച്ചാലും അത് പാർട്ടിയുടെ ഭാവിയെ ബാധിക്കില്ലെന്നും ശിവസേനയ്ക്ക് എന്തു സംഭവിക്കണമെന്ന് പാർട്ടി പ്രവർത്തകർ തീരുമാനിക്കുമെന്നും അദ്ദേഹം കൂട്ടിചേർത്തു.
