കീവ് : യുക്രെയ്നിൽ റോക്കറ്റ് ആക്രമണം. റഷ്യ പ്രഖ്യാപിച്ചിരുന്ന 36 മണിക്കൂർ ക്രിസ്മസ് വെടിനിർത്തൽ അവസാനിച്ചതിനു തൊട്ടുപിന്നാലെയാണ് ആക്രമണമുണ്ടായത്. കിഴക്കൻ യുക്രെയ്നിലെ ക്രമറ്റോർസ്കിൽ റോക്കറ്റ് ആക്രമണത്തിൽ 600 യുക്രെയ്ൻ സൈനികരെ വധിച്ചതായി റഷ്യയുടെ പ്രതിരോധ മന്ത്രാലയം അറിയിച്ചു. യുക്രെയ്ൻ സൈനികർ താമസിച്ചിരുന്ന രണ്ടു കെട്ടിടങ്ങൾക്കു നേരെയായിരുന്നു ആക്രമണം.
റഷ്യൻ ഓർത്തഡോക്സ് സഭ ക്രിസ്മസ് ആഘോഷിക്കുന്ന വെള്ളി രാവിലെ മുതൽ ശനി ഉച്ച വരെ ആയിരുന്നു റഷ്യൻ പ്രസിഡന്റ് വ്ലാഡിമിർ പുട്ടിൻ വെടിനിർത്തൽ പ്രഖ്യാപിച്ചത്. എന്നാൽ യുക്രെയ്ൻ ഇത് അംഗീകരിച്ചിരുന്നില്ല. വിജയം നേടും വരെ ആക്രമണം ശക്തമായി തുടരുമെന്ന് റഷ്യയുടെ പ്രതിരോധ മന്ത്രാലയം അറിയിച്ചു. മറ്റ് യുക്രെയ്ൻ നഗരങ്ങളിലും റഷ്യ കനത്ത ബോംബാക്രമണം നടത്തി. ബഖ്മുട്ടിൽ കനത്ത പോരാട്ടം തുടരുകയാണ്.
Share This Post
