ഡൽഹി: അനിൽ ആന്റണി കോൺഗ്രസിൽ നിന്ന് രാജിവച്ചു. കോൺഗ്രസിന്റെ എല്ലാ പദവികളിൽ നിന്നും ഒഴിയുന്നതായും അനിൽ ആന്റണി ട്വീറ്റ് ചെയ്തു. മുതിർന്ന കോൺഗ്രസ് നേതാവ് എ കെ ആന്റണിയുടെ മകനാണ് അനിൽ. ബി ബി സി ഡോക്യുമെന്ററി വിഷയത്തിൽ അനിൽ ആന്റണി ബി ജെ പി അനുകൂല നിലപാട് സ്വീകരിച്ചിരുന്നു.സമൂഹമാധ്യമങ്ങളിൽ തന്നെ തുടർച്ചയായി കോൺഗ്രസുകാർ തെറി വിളിക്കുകയാണെന്ന് ചാനലുകളോട് അനിൽ പറഞ്ഞു.
കോൺഗ്രസുകാർക്ക് അസഹിഷ്ണതയാണ്. കോൺഗ്രസുകാർ ഇത്രയും അധപതിക്കരുത്. കോൺഗ്രസിൽ അഭിപ്രായ സ്വാതന്ത്ര്യം ഇല്ല. അത്തരമൊരു പാർട്ടിയിൽ തന്നെ പോലുള്ളവർക്ക് പ്രവർത്തിക്കാനാവില്ല. കേരളത്തിലെ നേതാക്കളിൽ വിശ്വസമില്ല. നേതാക്കൾ കാട്ടുന്നത് തെമ്മാടിത്തരമാണെന്നും അനിൽപറഞ്ഞു. അനിൽ ആന്റണിയുടെ പ്രതികരണങ്ങൾ എ കെ ആന്റണിയെയും വെട്ടിലാക്കിയിരിക്കുകയാണ്.
Share This Post
