ശ്രീനഗർ: കോൺഗ്രസ് നേതാവ് രാഹുൽ ഗാന്ധി നയിക്കുന്ന ഭാരത് ജോഡോ യാത്ര താൽക്കാലികമായി നിർത്തിവച്ചതായി റിപ്പോർട്ട്. മതിയായ സുരക്ഷ ഒരുക്കാത്തതിനാലാണ് യാത്ര നിർത്തിവച്ചതെന്ന് എഐസിസി ജനറൽ സെക്രട്ടറി കെസി വേണുഗോപാൽ.
കശ്മീരിലേക്ക് യാത്ര പ്രവേശിക്കാനിരിക്കെയാണ് ഈ തീരുമാനം. ആൾക്കൂട്ടം ജമ്മു ബനിഹാലിയിൽ നടന്ന റാലിയിലേക്ക് ഇരച്ചുകയറിയിരുന്നു. തുടര്‍ന്ന് രാഹുലിനെ ബുള്ളറ്റ് പ്രൂഫ് കാറിലേക്ക് മാറ്റുകയായിരുന്നു. മതിയായ സുരക്ഷ ഒരുക്കിയ ശേഷമെ യാത്ര ആരംഭിക്കുകയുള്ളുവെന്നും നേതാക്കള്‍ അറിയിച്ചു. ഒരു തരത്തിലുള്ള സുരക്ഷയുമില്ലെന്നും ഈ രീതിയില്‍ രാഹുല്‍ ഗാന്ധിയെ മുന്നോട്ട് പോകാന്‍ അനുവദിക്കാനാകില്ലെന്നും കെസി വേണുഗോപാല്‍ പറഞ്ഞു. രാഹുല്‍ നടക്കാന്‍ ആഗ്രഹിച്ചാലും പാര്‍ട്ടിക്ക് അനുവദിക്കാനാവില്ല. മുതിര്‍ന്ന സുരക്ഷാ ഉദ്യോഗസ്ഥര്‍ എത്തണമെന്നും കെസി വേണുഗോപാല്‍ പ്രതികരിച്ചു.
