തൊടുപുഴ: കെഎസ്ആർടിസി ബസിൽ യുവതിക്ക് നേരെ വീണ്ടും ലൈംഗിക ആക്രമണം. എറണാകുളത്ത് നിന്നും തൊടുപുഴയിലേക്ക് പോകുകയായിരുന്ന ബസിലാണ് സംഭവം ഉണ്ടായത്. മലപ്പുറം കൊണ്ടോട്ടി സ്വദേശിയായ മുസമ്മിലാണ് ലൈംഗികാതിക്രമം നടത്തിയത്.ഇയാളെ പൊലീസ് അറസ്റ്റ് ചെയ്തു. പ്രതി ബസിൽ കയറിയത് മൂവാറ്റുപുഴയിൽ നിന്നാണ്.
വാഴക്കുളത്ത് വെച്ചാണ് യാത്രക്കാരി ലൈംഗികാതിക്രമത്തെ കുറിച്ച് പരാതി നൽകുന്നത്. യുവതിയുടെ തുടർന്ന് ബസ് പൊലീസ് സ്റ്റേഷനിലെത്തിച്ചാണ് പ്രതിയെ അറസ്റ്റ് ചെയ്‌തത്‌. എന്നാൽ താൻ യുവതിയോട് അത്തരത്തിൽ പെരുമാറിയിട്ടില്ല എന്നാണ് പ്രതി ആവ‍ര്‍ത്തിച്ചു പറയുന്നത്. ഇയാളെ വൈദ്യപരിശോധനയ്ക്കായി ആശുപത്രിയിലേക്ക് മാറ്റി.
ALSO READ: ലഹരിക്കെതിരെ ജാഗ്രതയും പഠനോത്സവവും ഒരുക്കി നെറ്റ് സോൺ മാതൃകയായി
ബസ്സുകളിൽ വച്ച് സ്ത്രീകളോടുള്ള അതിക്രമം ഇപ്പോൾ ദിനംപ്രതി വർദ്ധിച്ചുകൊണ്ടിരിക്കുകയാണ്. തിരുവനന്തപുരത്ത് ബസിൽ വച്ച് യാത്രക്കാരിയോട് മര്യാദയായി പെരുമാറിയ വ്യക്തിയെ നാട്ടുകാരാണ് കഴിഞ്ഞദിവസം പിടികൂടി പോലീസിൽ ഏൽപ്പിച്ചത്. തിരുവനന്തപുരത്ത് നിന്നും പൂവാറിലേക്ക് പോയ ബസിലായിരുന്നു സംഭവം.സ്വകാര്യ ആശുപത്രിയിൽ നേഴ്സ് ആയി ജോലി ചെയ്യുകയാണ് പരാതിക്കാരിയായ യുവതി.
