അമരാവതി: ആന്ധ്രാപ്രദേശ് മുൻ മുഖ്യമന്ത്രിയും തെലുഗു ദേശം പാർട്ടി (ടിഡിപി) അധ്യക്ഷനുമായ ചന്ദ്രബാബു നായിഡു അറസ്റ്റിൽ. ആന്ധ്ര മാനവവിഭവ ശേഷി പദ്ധതി അഴിമതിയുമായി ബന്ധപ്പെട്ടാണ് അറസ്റ്റ്. ഇന്ന് രാവിലെ 6 മണിയോടെയാണ് അറസ്റ്റ് രേഖപ്പെടുത്തിയത്. അഴിമതിക്കേസില് ജാമ്യമില്ലാ വകുപ്പുകള് പ്രകാരം നന്ത്യല് പൊലീസാണ് അറസ്റ്റ് രേഖപ്പെടുത്തിയത്.
മാനവ വിഭവ ശേഷി വികസനവുമായി ബന്ധപ്പെട്ട് സീമൻസ് ഇൻഡസ്ട്രി സോഫ്റ്റ്വേയർ ഓഫ് ഇന്ത്യ എന്ന കമ്പനി സർക്കാരിൽ നിന്ന് കോടികൾ തട്ടിയെന്നാണ് കേസ്. നഗരത്തിലെ ടൗണ് ഹാളില് ഒരു പരിപാടിക്കു ശേഷം കാരവനില് വിശ്രമിക്കുകയായിരുന്നു നായിഡുവിനെ നന്ത്യാല് ഡിഐജിയുടെ നേതൃത്വത്തിലുള്ള ഒരു സംഘം പൊലീസാണ് അറസ്റ്റ് ചെയ്തത്.
Share This Post
