തിരുവനന്തപുരം: എല്ലാവരും ഏറെ ആകാംഷയോടെ കാത്തിരുന്ന ഭാഗ്യശാലികളെ കണ്ടെത്തി. ഇത്തവണത്തെ തിരുവോണം ബമ്പറിന്റെ അവകാശികൾ ഒന്നല്ല. നാല് പേരെന്ന് സൂചന. 25 കോടി ഓണം ബമ്പർ ഭാഗ്യവാന്മാരെ കണ്ടെത്തിയെന്നാണ് പുറത്തുവരുന്ന വിവരങ്ങൾ. തമിഴ്നാട് സ്വദേശികള്‍ക്കെന്നാണ് വിവരം. തമിഴ്നാട് തിരുപ്പൂർ സ്വദേശികളായ നടരാജൻ, പാണ്ഡ്യരാജ്, കുപ്പുസ്വാമി, രാമസ്വാമി എന്നിവർ ചേർന്നാണ് ലോട്ടറി ടിക്കറ്റെടുത്തത്.
നടരാജൻ എന്നയാളാണ് വാളയാറിൽ നിന്ന് ടിക്കറ്റ് വാങ്ങിയത്. പാണ്ഡ്യരാജിൻറെ കൈവശമാണ് ടിക്കറ്റുള്ളത്. വാളയാറിലെ ബാവ ലോട്ടറി ഏജന്‍സിയിൽ നിന്നാണ് ടിക്കറ്റെടുത്തത്. നാളെ സത്യമംഗലത്തിന് സമീപം പുളിയം പട്ടിയിലെ എസ്ബിഐ ബാങ്കിൽ ടിക്കറ്റ് കൈമാറുമെന്നാണ് അറിയുന്നത്. TE 230662 നമ്പർ ടിക്കറ്റിനാണ് ഇക്കുറി ഓണം ബമ്പർ അടിച്ചത്.
Share This Post
