കഴക്കൂട്ടം :കഴക്കൂട്ടം ശ്രീമഹാദേവർ ക്ഷേത്രത്തിൽ നിർമിക്കുന്ന ശബരിമല ഇടത്താവള സമുച്ചയത്തിന്റെ നിർമാണ പുരോഗതി കടകംപള്ളി സുരേന്ദ്രൻ എംഎൽഎ വിലയിരുത്തി.
ഓപ്പൺ ഓഡിറ്റോറിയത്തിന്റെ 99% പണിയും പൂർത്തിയായി. ഇടത്താവളത്തിന്റെ ഒന്നാം നിലയുടെ പണി പുരോഗമിക്കുന്നു.
കിഫ്ബി സഹായത്തോടെ 11.5 കോടി രൂപ ചെലവിലാണ് പദ്ധതി നടപ്പിലാകുന്നത്. മൂന്ന് നിലകളിലായി 32,000 ചതുരശ്രയടി വിസ്തീർണത്തിലാണ് ഇടത്താവളം. 300 പേർക്ക് ഒരേസമയം ഭക്ഷ ണം കഴിക്കാവുന്ന അന്നദാന മണ്ഡപം, 75 പുരുഷന്മാർക്കും 25 സ്ത്രീകൾക്കും താമസിക്കാനുള്ള ഡോർമിറ്ററി സൗകര്യം. ലോക്കർ റൂം, ലിഫ്റ്റ് സൗകര്യം, വൈഫൈ സംവിധാനം എന്നിവയുമുണ്ടാകും
കൗൺസിലർമാരായ ഡി രമേശൻ ,എൽ എസ് കവിത, സെക്രട്ടറി കൃഷ്ണദാസ്,പ്രസിഡൻറ് രാജശേഖരൻ നായർ ,ലില്ലി അശോകൻ ജയകുമാർ ,ആർ ശ്രീകുമാർ ക്ഷേത്ര ഉപദേശസമിതി അംഗങ്ങൾ തുടങ്ങിയവർ പങ്കെടുത്തു.
Share This Post
