തിരുവനന്തപുരം: കൊൽക്കത്ത സത്യജിത് റേ ഫിലിം ഇൻസ്റ്റിറ്റ്യൂട്ട് ചെയർമാനായി ചുമതലയേൽക്കുമെന്ന് വ്യക്തമാക്കി നടനും രാജ്യസഭാ മുൻ എംപിയുമായ സുരേഷ് ഗോപി. ശമ്പളമില്ലാത്ത ജോലിയായതിനാൽ സത്യജിത് റേ ഫിലിം ഇന്‍സ്റ്റിറ്റ്യൂട്ട് അധ്യക്ഷ സ്ഥാനം താൻ ഏറ്റെടുക്കുമെന്നാണ് സുരേഷ് ഗോപി വ്യക്തമാക്കിയിരിക്കുന്നത്. സമൂഹമാധ്യമത്തിലൂടെയായിരുന്നു പ്രതികരണം.
സ്ഥാനം ഏറ്റെടുക്കുമെങ്കിലും രാഷ്ട്രീയ പ്രവര്‍ത്തകന്റെ എല്ലാ സ്വാതന്ത്ര്യവും താൻ നിർവ്വഹിക്കുമെന്നും മന്ത്രി ഉറപ്പ് നൽകിയതായും അദ്ദേഹം വ്യക്തമാക്കി. മാത്രമല്ല ചെയർമാൻ സ്ഥാനത്തേക്കുള്ള ക്ഷണത്തിനും സ്ഥിരീകരണത്തിനും ഇന്ത്യൻ പ്രധാനമന്ത്രിയ്ക്കും, ആഭ്യന്തരമന്ത്രിയ്ക്കും, കേന്ദ്രമന്ത്രി അനുരാഗ് സിങ് ഠാക്കൂറിനും നന്ദിയും അദ്ദേഹം രേഖപ്പെടുത്തി.
Share This Post
