ബീഹാർ: ബിഹാറിൽ ട്രെയിൻ അപകടം. ബീഹാറിലെ ബക്സറിലാണ് ട്രെയിൻ പാളം തെറ്റിയത്. അപകടത്തിൽ 4 പേർ മരിച്ചു. സംഭവത്തിൽ എഴുപതിലധികം പേർക്ക് പരിക്കേറ്റുവെന്നും റിപ്പോർട്ട്. ഡൽഹി ആനന്ദ് വിഹാറിൽ നിന്ന് കാമാക്യയിലേക്ക് പോകുകയായിരുന്ന നോർത്ത് ഈസ്റ്റ്‌ സൂപ്പർ ഫാസ്റ്റ് ട്രെയിനാണ് അപകടത്തിൽപെട്ടത്.
ട്രെയിന്റെ 21 കോച്ചുകൾ ആണ് രഘുനാഥ്പൂർ സ്റ്റേഷന് സമീപം പാളം തെറ്റിയത്. സംഭവം നടന്നത് ഇന്നലെ രാത്രി 9.35 ഓടെയാണ്. സ്ഥലത്ത് രക്ഷാപ്രവർത്തനം പുരോഗമിക്കുകയാണ്. ദേശീയ, സംസ്ഥാന ദുരന്തനിവാരണ സേനകളെ അപകട സ്ഥലത്തു സജ്ജമാക്കിയിട്ടുണ്ട്. കൂടാതെ സഹായത്തിനായി ഹെൽപ്‌ലൈൻ നമ്പർ ആരംഭിച്ചിട്ടുണ്ടെന്നും ബീഹാർ ഉപമുഖ്യമന്ത്രി തേജസ്വി യാദവ് അറിയിച്ചു.
Share This Post
