തിരുവനന്തപുരം: പൊൻമുടിയിൽ നടന്ന ഏഷ്യൻ മൗണ്ടൻ ബൈക്ക് സൈക്ലിങ് ചാമ്പ്യൻഷിപ്പ് സമാപിച്ചു. നാലുദിവസമായി നടന്ന ടൂർണമെന്റിൽ ചൈനീസ് റൈഡർമാരുടെ ആധിപത്യമായിരുന്നു. ഞായറാഴ്ച നടന്ന പുരുഷ, വനിതാ വിഭാഗം ക്രോസ് കൺട്രി എലിമിനേറ്റർ മത്സരങ്ങളിലെ സ്വർണവും വെള്ളിയും ചൈനീസ് താരങ്ങൾ സ്വന്തമാക്കി.
സൈക്ലിംഗ് ഫെഡറേഷൻ ഓഫ് ഇന്ത്യ സെക്രട്ടറി ജനറൽ മനിന്ദർപാൽ സിങ്‌, സൈക്ലിങ് ഫെഡറേഷൻ ഓഫ് ഇന്ത്യ ട്രഷററും കേരള സൈക്ലിങ് അസോസിയേഷൻ പ്രസിഡന്റുമായ എസ്.എസ്.സുധീഷ്‌കുമാറും ചേർന്ന് ജേതാക്കൾക്ക് മെഡലുകൾ സമ്മാനിച്ചു.
ഇന്ത്യയിൽ ആദ്യമായിട്ടാണ് ഇത്തരത്തിലുള്ള ഏഷ്യൻ മൗണ്ടൻ ബൈക്ക് സൈക്ലിങ് ചാമ്പ്യൻഷിപ്പ് നടത്തുന്നത്. ഈ മാസം 26 മുതൽ ആരംഭിച്ച സൈക്ലിംഗ് ചാമ്പ്യൻഷിപ്പാണ് 29ന് അവസാനിച്ചത്. 18 രാജ്യങ്ങളിൽ നിന്നും 250ലേറെ താരങ്ങളാണ് പങ്കെടുത്തത്.
Share This Post
