തിരുവനന്തപുരം: ആറ്റിപ്ര ഗവ. ഐ. ടി. ഐ യിൽ ശുചിത്വം, വൃത്തി എന്ന വിഷയത്തിൽ ബോധവൽക്കരണ സെമിനാർ സംഘടിപ്പിച്ചു. ശുചിത്വമിഷന്റെ മാലിന്യമുക്തം നവകേരളം പദ്ധതിയുടെ ഭാഗമായി തിരുവനന്തപുരം നഗരസഭയുടെയും സെർവ്വ് റൂറൽൻ്റെയും സംയുക്ത ആഭിമുഖ്യത്തിലാണ് സെമിനാർ സംഘടിപ്പിച്ചത്. തിരുവനന്തപുരം നഗരസഭ ആറ്റിപ്ര സോണൽ ഹെൽത്ത് ഇൻസ്‌പെക്ടർ ആരീഷ്. എ. ആർ ഉദ്ഘാടനം ചെയ്തു.
പ്രിൻസിപ്പാൾ സുഭാഷ്. സി. എസ് അദ്ധ്യക്ഷത വഹിച്ചു. സെർവ്വ് റൂറൽ കോഡിനേറ്റർ വിഷ്ണു മോഹൻ ക്ലാസ്സ്‌ നയിച്ചു സെർവ്വ് റൂറൽ പ്രൊജക്റ്റ്‌ അസോസിയേറ്റുമാരായ ശിൽപ. പി. എസ്, അംറത്ത് ബീവി. എസ് ട്രെയിനിംഗ് ഇൻസ്‌ട്രക്ടർമാരായ സോണി.എസ്. പിള്ള, കൃഷ്ണ പ്രസാദ്. കെ. ആർ എന്നിവർ ആശംസകൾ പറഞ്ഞു. സ്റ്റാഫ്‌ സെക്രട്ടറി ഷിജി. എം. എസ് സ്വാഗതവും പരിസ്ഥിതി ക്ലബ്ബ് സെക്രട്ടറി അക്ഷയ് ശിവ നന്ദിയും പറഞ്ഞു
Share This Post
