തിരുവനന്തപുരം: തിരുവനന്തപുരത്ത് നിന്ന് മലേഷ്യയിലേക്ക് പോകുന്നവർക്ക് സുവർണ്ണാവസരം. ഇനി ഫ്ലൈറ്റ് ചാർട്ട് ചെയ്യാൻ ബുദ്ധിമുട്ടേണ്ട. ആഴ്ചയിൽ നാല് ദിവസം ഇനി തിരുവനന്തപുരത്ത് നിന്ന് മലേഷ്യയിലേക്ക് പറക്കാം. തിരുവനന്തപുരത്തുനിന്ന് മലേഷ്യയിലെ ക്വാലലംപൂരിലേക്കാണ് സർവീസുകൾ.
മലേഷ്യ എയർലൈൻസാണ് ആഴ്ചയിൽ രണ്ടു ദിവസം നടത്തിയിരുന്ന സർവീസ് നാളെ മുതൽ നാലുദിവസമാക്കി വർധിപ്പിക്കുന്നത്. ചൊവ്വ, ശനി ദിവസങ്ങളിൽ വിമാനം രാത്രി 12:30ന് എത്തി 1:20ന് പുറപ്പെടും. ഞായർ, വ്യാഴം ദിവസങ്ങളിൽ രാത്രി 12:01നാണ് പുറപ്പെടുക. ബിസിനസ് ക്ലാസ് ഉള്‍പ്പെടെ 174 സീറ്റുകള്‍ ഉള്ള ബോയിങ് 737-800 വിമാനമാണ് സര്‍വീസിന് ഉപയോഗിക്കുക.
Share This Post
