എറണാകുളം: മഞ്ഞുമ്മൽ ബോയ്സ് നിർമാതാക്കളുടെ ബാങ്ക് അകൗണ്ടുകൾ മരവിപ്പിച്ചു. എറണാകുളം സബ്കോടതിയാണ് നിർമ്മാതാക്കളുടെ അകൗണ്ടുകൾ മരവിപ്പിക്കാൻ ഉത്തരവിട്ടത്. അരൂർ സ്വദേശി സിറാജ് സമർപ്പിച്ച ഹർജിയിലാണ് നടപടി. ചിത്രത്തിന്റെ നിർമാണ കമ്പനിയായ പറവ ഫിലിംസിന്റെയും പാർട്ണർ ഷോൺ ആന്റണിയുടെയും ബാങ്ക് അക്കൗണ്ട് മരവിപ്പിക്കാനാണ് കോടതി ഉത്തരവിട്ടത്.
സിറാജ് സിനിമയ്ക്കായി 7 കോടി രുപ മുടക്കിയിട്ടുണ്ടെന്നാണ് ഹർജിയിൽ പറയുന്നത്. എന്നാൽ ചിത്രം വൻ ഹിറ്റായിട്ടും തനിക്ക് മുടക്ക് മുതലോ ലാഭവിഹിതമോ നൽകിയിട്ടില്ലെന്നാണ് സിറാജ് പറയുന്നത്. നിർമാതാക്കൾ തന്നെ കബളിപ്പിച്ചുവെന്നും ഹർജിയിൽ പറയുന്നു. നാൽപത് ശതമാനം ലാഭവിഹിതം വാഗ്ദാനം ചെയ്താണ് നിർമാതാക്കൾ പണം കൈപ്പറ്റിയത്. എന്നാൽ മുടക്ക് മുതൽ പോലും ലഭിച്ചിട്ടില്ലെന്നാണ് പരാതിയിൽ പറയുന്നത്.
Share This Post
