ഡൽഹി: കേന്ദ്ര ആഭ്യന്തര മന്ത്രാലയത്തിൽ തീപ്പിടുത്തമുണ്ടായതായി റിപ്പോർട്ട്. രാവിലെ 9:22 നാണ് അപകടം സംഭവിച്ചത്. പാര്‍ലമെന്റിലെ നോർത്ത് ബ്ലോക്കിലെ കെട്ടിടത്തിലാണ് തീപിടുത്തമുണ്ടായത്. തീ പിടിച്ചത് ശ്രദ്ധയിൽപെട്ട ഉടൻ തന്നെ തീ അണച്ചുവെന്ന് ഉദ്യോഗസ്ഥർ പറയുന്നു.
അപകടത്തിൽ കംപ്യൂട്ടറുകളും ചില രേഖകളും കത്തി നശിച്ചു. റൂമിലെ എ സിയിൽ നിന്നാണ് തീ പടർന്നതെന്നാണ് പ്രാഥമിക നിഗമനം. അതെ സമയം അപകടത്തിൽ ആർക്കും പരിക്കേറ്റിട്ടില്ല.സംഭവം നടന്ന സമയം മുതിർന്ന ഉദ്യോഗസ്ഥർ കെട്ടിടത്തിൽ ഉണ്ടായിരുന്നു. തീ പടരുന്നത് ശ്രദ്ധയിൽ പെട്ട ഇവർ ഉടൻ തന്നെ പുറത്തേക്ക് ഇറങ്ങുകയായിരുന്നു. സംഭവം അന്വേഷണം ആരംഭിച്ചു.
Share This Post
