കണ്ണൂർ: പ്രശസ്ത തിരക്കഥാകൃത്തും ഗ്രന്ഥകാരനുമായ ബൽറാം മട്ടന്നൂർ അന്തരിച്ചു. 62 വയസായിരുന്നു. ഏറെ നാളായി രോഗബാധിതനായി ചികിത്സയിലായിരുന്നു. മലയാളത്തിലെ ഹിറ്റ് ചിത്രങ്ങളായ കളിയാട്ടം, കര്‍മ്മയോഗി തുടങ്ങിയ സിനിമകളുടെ തിരക്കഥാകൃത്താണ്.
ജയരാജ് സംവിധാനം ചെയ്ത കളിയാട്ടം എന്ന ചിത്രത്തിലൂടെയാണ് ബൽറാം സിനിമയിൽ എത്തുന്നത്. ബൽറാമിന്റെ ഏറെ ശ്രദ്ധയാകർഷിച്ച ചിത്രം കൂടിയായിരുന്നു അത്. സമവാക്യം, അന്യലോകം, പിതാവിനും പുത്രനും പരിശുദ്ധ ആത്മാവിനും, അക്വേറിയം തുടങ്ങിയവയാണ് മറ്റു ചിത്രങ്ങൾ.
തിരക്കഥാകൃത്തിനു പുറമെ മികച്ച ഗ്രന്ഥകാരനുമായ ബൽറാം മട്ടന്നൂർ. ‘മുയൽ ഗ്രാമം’, ‘രവിഭഗവൻ’, ‘ബാലൻ’ കാട്ടിലൂടെ, നാട്ടിലൂടെ, പാവപ്പെട്ട കഥ, ജീവിതം പൂങ്കാവനം,അനന്തം, കാശി തുടങ്ങിയവയാണ് ശ്രദ്ധേയമായ രചനകൾ.
Share This Post
