പാലക്കാട്: വീണ്ടും ടിടിഇയ്ക്ക് നേരെ അതിക്രമം. ഇന്നലെ രാത്രി പത്തുമണിയോടെ ഷൊര്‍ണൂര്‍ വച്ചാണ് സംഭവം. ടിടിഇ രാജസ്ഥാന്‍ സ്വദേശി വിക്രം കുമാര്‍ മീണയ്ക്കാണ് മര്‍ദ്ദനമേറ്റത്. മംഗലാപുരം – തിരുവനന്തപുരം മാവേലി എക്സ്പ്രസ്സിലാണ് സംഭവം നടന്നത്.
തുടർന്ന് തിരുവനന്തപുരം സ്വദേശിയെ പോലീസ് കസ്റ്റഡിയിൽ എടുത്തു. ഇയാൾ ടിക്കറ്റ് ഇല്ലാതെയാണ് ട്രെയിനിൽ കയറിയത്. ഇത് ചോദ്യ ചെയ്ത ടിടിഇയുടെ മൂക്കിന് ഇടിക്കുകയായിരുന്നു. ടിക്കറ്റ് ഇല്ലാതെ റിസർവേഷൻ കംപാര്‍ട്ടുമെന്‍റില്‍ യാത്ര ചെയ്യുകയായിരുന്നു പ്രതി.
ഇതേ തുടർന്ന് പ്രതിയും ടി ടി ഇയും തമ്മിൽ വാക്കു തർക്കം തുടങ്ങുകയും പിന്നീട അത് അക്രമത്തിൽ കലാശിക്കുകയുമായിരുന്നു. മൂക്കിന് ഇടിയേറ്റ മീണ ഷൊര്‍ണൂര്‍ റെയില്‍വേ ആശുപത്രിയില്‍ ചികിത്സയിലാണ്.
Share This Post
