ബെമെത്താര: വെടിമരുന്ന് നിർമാണ ഫാക്റ്ററിയിൽ വൻ സ്ഫോടനം. അപകടത്തിൽ ഒരാൾ മരിച്ചു. ഛത്തിസ്ഗഢിലെ പിർദ ഗ്രാമത്തിലെ യൂണിറ്റിലാണ് സ്ഫോടനമുണ്ടായത്. അപകടത്തിൽ ആറു പേർക്ക് പരിക്കേറ്റു. ഇവരെ ആശുപത്രിയിലേക്ക് മാറ്റിയിരിക്കുകയാണ്. ചിലർക്ക് ഗുരുതരമായി പരിക്കേറ്റിട്ടുണ്ടെന്നാണ് പുറത്തുവരുന്ന റിപ്പോർട്ട്.
സ്ഫോടനത്തിന്‍റെ കാരണം വ്യക്തമല്ല. പൊലീസും രക്ഷാപ്രവർത്തകരും പ്രദേശത്തെത്തിയിട്ടുണ്ട്. അപകടം നടക്കുന്ന സമയത്ത് ഫാക്റ്ററി യൂണിറ്റിൽ 100 തൊഴിലാളികൾ ഉണ്ടായിരുന്നുവെന്നാണ് സൂചന. സ്ഫോടനത്തിൽ തകർന്ന കെട്ടിടത്തിന്‍റെ അവശിഷ്ടങ്ങൾ നീക്കം ചെയ്യുന്ന പ്രവർത്തികൾ പുരോഗമിക്കുകയാണ്. ആളുകൾ ഇതിനടിയിൽ കുടുങ്ങി കിടപ്പുണ്ടോയെന്നും പരിശോധിക്കുകയാണ്.
Share This Post
