ബെംഗളുരു: ജനതാദൾ എംപിയും കര്‍ണാടകയിലെ ഹാസൻ മണ്ഡലത്തിലെ എൻ.ഡി.എ സ്ഥാനാര്‍ത്ഥിയുമായ പ്രജ്വൽ രേവണ്ണയെ അന്വേഷണ സംഘം അറസ്റ്റ് ചെയ്തു. ലൈംഗിക പീഡനക്കേസ് പ്രതിയാണ് പ്രജ്വല്‍ രേവണ്ണ. കേസ് വിവാദമായതിനെ തുടർന്ന് രേവണ്ണ രാജ്യം വിട്ടിരുന്നു. ജർമ്മനിയിലേക്കാണ് കടന്നത്.
തുടർന്ന് ജര്‍മനിയിലെ മ്യൂണിക്കില്‍നിന്ന് ഇന്നലെ ബെംഗളൂരുവിലെത്തിയിരുന്നു. ഇതിനു പിന്നാലെയാണ് അറസ്റ്റ് രേഖപ്പെടുത്തിയത്. പ്രജ്വൽ വിമാനമിറങ്ങുന്നത് കാത്തുന്നിന്ന എസ് ഐ ടി സംഘമടക്കമുള്ള വൻ പൊലീസ് സംഘമാണ് ബെംഗളുരു വിമാനത്താവളത്തിൽ വച്ചുതന്നെ കസ്റ്റഡിയിലെടുത്തത്. പ്രജ്വലിനെ ഇന്ന് പ്രാഥമികമായി ചോദ്യം ചെയ്ത് കോടതിയിൽ കസ്റ്റഡി അപേക്ഷ നൽകാനാണ് അന്വേഷണസംഘത്തിന്‍റെ നീക്കം. അതേസമയം പ്രജ്വലിന്‍റെ ജാമ്യാപേക്ഷ ഇന്ന് പ്രത്യേക കോടതി പരിഗണിക്കും.
Share This Post
