കൊച്ചി: ബോക്സ് ഓഫീസ് ഹിറ്റ് ചിത്രം ആർഡിഎക്സ് സിനിമയുടെ നിർമാതാക്കൾക്കെതിരെ സാമ്പത്തിക തട്ടിപ്പ് പരാതി. തൃപ്പൂണിത്തുറ സ്വദേശി അഞ്ജന എബ്രഹാം ആണ് പരാതി നൽകിയത്. വാഗ്ദാനം ചെയ്ത ലാഭവിഹിതം നല്‍കിയില്ലെന്നാരോപിച്ചാണ് പരാതി.
നിര്‍മാതാക്കളായ സോഫിയ പോള്‍, ജയിംസ് പോള്‍ എന്നിവര്‍ക്കെതിരെയാണ് പരാതി. ഹില്‍ പാലസ് പൊലീസിനാണ് പരാതി നല്‍കിയത്. 30 ശതമാനം ലാഭവിഹിതം നൽകാമെന്നായിരുന്നു എന്നായിരുന്നു നിർമ്മാതാക്കൾ വാഗ്ദാനം ചെയ്തത്.
ഇതു പ്രകാരം സിനിമയ്ക്കായി താൻ 6 കോടി രൂപ നൽകിയെന്നാണ് അഞ്ജന പറയുന്നത്. എന്നാൽ സിനിമ വിജയിച്ചിട്ടും പണം നൽകിയില്ലെന്നാണ് അഞ്ജന ആരോപിക്കുന്നത്. മാത്രമല്ല വ്യാജരേഖകള്‍ ഉണ്ടാക്കി നിര്‍മാണ ചെലവ് ഇരട്ടിയിലേറെയായി പെരുപ്പിച്ച് കാണിച്ചുവെന്നും പരാതിയില്‍ പറയുന്നു.
Share This Post
