ശ്രീനഗർ: ജമ്മു കശ്മീരിലെ കത്വയില്‍ സൈനികർക്കു നേരെ ഭീകരാക്രമണം. ആക്രമണത്തിൽ അഞ്ചു ജവാന്മാർക്ക് വീരമൃത്യു. ഇന്നലെയാണ് സൈനിക വ്യൂഹത്തിന് നേരെ ആക്രമണം നടന്നത്. അതിർത്തി കടന്നെത്തിയ ഭീകരരാണ് ആക്രമണം നടത്തിയതെന്നാണ് നിഗമനം.
പട്രോളിംഗ് നടത്തിയ സൈന്യത്തിന്റെ വാഹന വ്യൂഹത്തിന് നേരെയാണ് ഇന്നലെ ഉച്ചയോടെ ആക്രമണം നടന്നത്. ഭീകരരെ കണ്ടെത്താൻ സൈന്യത്തിൻ്റെ കമാൻഡോ സംഘം വനമേഖലയിൽ തെരച്ചിൽ തുടരുകയാണ്.
കത്വ ജില്ലയില്‍ നിന്ന് 150 കിലോമീറ്റര്‍ ബദ്നോട്ട ഗ്രാമത്തിൽ വച്ചാണ് ആക്രമണം നടന്നത്. നിരവധി സൈനികർക്ക് ആക്രമണത്തിൽ പരിക്കേറ്റു. ജമ്മു മേഖലയിൽ ഈമാസം നടക്കുന്ന അഞ്ചാമത്തെ ഭീകരാക്രമണമാണിത്. പ്രദേശത്ത് ഭീകരരും സൈനികരും തമ്മിലുള്ള ഏറ്റുമുട്ടല്‍ തുടരുകയാണ്.
Share This Post
