ന്യൂയോര്‍ക്ക്: സ്കൂളിലുണ്ടായ വെടിവെയ്പ്പിൽ നാലു പേര്‍ കൊല്ലപ്പെട്ടു. അമേരിക്കയിലെ ജോര്‍ജിയയിലാണ് സംഭവം. വെടിവെപ്പിൽ ഒൻപത് പേർക്ക് പരുക്കേറ്റു. വൈൻഡർ നഗരത്തിലെ സ്കൂളിലെ അപലാച്ചി ഹൈസ്‌കൂളിലാണ് വെടിവെപ്പുണ്ടായത്.
ഇതേ സ്കൂളിലെ 14 കാരനാണ് അക്രമകാരിയെന്നാണ് പുറത്തുവരുന്ന റിപ്പോർട്ട്. വിദ്യാർത്ഥിയെ പോലീസ് കസ്റ്റഡിയിൽ എടുത്തു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. വെടിവയ്പ്പിനുള്ള കാരണത്തെക്കുറിച്ച് വ്യക്തമായിട്ടില്ല.
മരിച്ചവരിൽ രണ്ടു പേര്‍ വിദ്യാര്‍ത്ഥികളും രണ്ടു പേര്‍ അധ്യാപകരുമാണ്. സംഭവം നടന്നയുടനെ പൊലീസ് സ്ഥലത്തെത്തി അക്രമിയെ പിടികൂടുകയായിരുന്നു.
Share This Post
