കൊച്ചി: ശ്രീനാഥ് ഭാസിയെ അറസ്റ്റ് ചെയ്ത് വിട്ടയച്ചു. ബൈക്ക് യാത്രികനെ ഇടിച്ച ശേഷം കാർ നിര്‍ത്താതെ പോയെന്ന പരാതിയിലാണ് നടപടി. മട്ടാഞ്ചേരി സ്വദേശി നല്‍കിയ പരാതിയിലാണ് കേസ് എടുത്തിരിക്കുന്നത്. കഴിഞ്ഞ മാസം എട്ടാം തിയതിയാണ് കേസിനാസ്പദമായ സംഭവം നടന്നത്.
രാത്രിയിൽ അമിത വേഗതയിലെത്തിയ കാർ സ്കൂട്ടറിലിടിക്കുകയും തുടർന്ന് കാർ നിർത്താതെ പോകുകയുമായിരുന്നു. സ്കൂട്ടർ ഉടമയായ മട്ടാഞ്ചേരി സ്വദേശി മുഹമ്മദ് ഹമീം നൽകിയ പരാതിയിലാണ് കൊച്ചി സെൻട്രൽ പൊലീസാണ് കേസെടുത്തത്.
തെറ്റായ ദിശയിലാണ് കാർ സഞ്ചരിച്ചതെന്നും പരാതിയിൽ പറയുന്നു. വാഹനത്തിൽ താരത്തോടൊപ്പം വേറെയും ആൾക്കാർ ഉണ്ടായിരുന്നു. അപകടത്തില്‍ പരാതിക്കാരന് സാരമായ പരിക്കുകള്‍ സംഭവിച്ചിരുന്നു.
Share This Post
