തിരുവനന്തപുരം: തിരുവനന്തപുരത്ത് സ്കൂൾ കെട്ടിടം തകർന്നു വീണു. കാട്ടാക്കട പൂഴനാടാണ് സംഭവം. കാലപ്പഴക്കം ചെന്ന് ജീർണാവസ്ഥയിൽ ആയിരുന്നു കെട്ടിടം. പൂഴനാട് യുപി സ്കൂൾ കെട്ടിടമാണ് തകർന്ന് വീണത്. ഇന്നലെയാണ് സംഭവം നടന്നത്. അവധി ദിവസമായതിനാൽ വൻ ദുരന്തമാണ് ഒഴിവായത്.
ഇന്നലെ രാത്രി എട്ടു മണിയോടെയാണ് സ്കൂൾ കെട്ടിടം തകർന്നുവീണത്. ഇന്നലെ ഉച്ച മുതൽ പ്രദേശത്ത് അതി ശക്തമായ മഴ ആയിരുന്നു. ഇതിനു ശേഷമാണ് കെട്ടിടത്തിന്റെ ഒരു ഭാഗം ഇടിഞ്ഞു വീണത്. സമീപത്തുള്ള വീടിന്റെ ഒരു ഭാഗത്തേക്കാണ് കെട്ടിടം തകർന്ന് വീണത്. കെട്ടിടത്തിന്റെ അവശിഷ്ടങ്ങൾ വീണ് വീട്ടിലെ കോഴിക്കൂട്ടിലുണ്ടായിരുന്ന കോഴികൾ മുഴുവൻ ചത്തു.
Share This Post
