തിരുവനന്തപുരം: കേരളത്തിലെ ഫുട്ബോൾ പ്രേമികൾക്ക്‌ അവരുടെ ഒരു സ്വപ്നസാക്ഷാത്ക്കാരത്തിന് കളമൊരുങ്ങുന്നുവെന്ന് കായികവകുപ്പ് മന്ത്രി വി അബ്ദുറഹ്മാൻ. ലയണൽ മെസിയും,അർജ്ജന്റീന ടീമും കേരളത്തിലെത്തും. മന്ത്രി അബ്ദുറഹ്മാനാണ് ഇക്കാര്യം വ്യക്തമാക്കിയത്.
അടുത്ത വർഷം കേരളത്തിൽ അവർ സൗഹൃദമത്സരത്തിൽ പങ്കെടുക്കും. ഇന്ത്യയിൽ സൗഹൃദ മത്സരം കളിക്കാമെന്ന് അർജൻ്റീനിയൻ നാഷണൽ ടീം അറിയിച്ചിട്ടുണ്ട് എന്നും മന്ത്രി പറഞ്ഞു. മത്സര വേദിയായി കൊച്ചിയെ പരിഗണിക്കുമെന്നും മന്ത്രി വ്യക്തമാക്കി.
മാത്രമല്ല ഒന്നര മാസത്തിനകം അർജന്റീന പ്രതിനിധികൾ കേരളത്തിലെത്തും എന്നും മന്ത്രി അറിയിച്ചു. എതിർ ടീം ആരെന്ന് പിന്നീട് പ്രഖ്യാപിക്കുമെന്നും പൂർണമായും സർക്കാർ നിയന്ത്രണത്തിലായിരിക്കും മത്സരങ്ങൾ നടക്കുകയെന്നും മന്ത്രി വ്യക്തമാക്കി.
Share This Post
