പാലക്കാട്: പാലക്കാട് മണ്ഡലത്തില്‍ വൈകുന്നേരം ആറുമണിയോടെ പോളിംഗ് അവസാനിച്ചു. പാലക്കാട്ടെ ജനങ്ങൾ വിധിയെഴുതി. സമയം അവസാനിച്ചിട്ടും പല ബൂത്തുകളിലും വോട്ടര്‍മാരുടെ നീണ്ട നിരയാണ് കാണാനായത്. വൈകുന്നേരം ആറു മണിക്ക് ശേഷം നിരയിൽ നിന്നവർക്ക് ടോക്കൺ നൽകിയാണ് വോട്ട് ചെയ്യിപ്പിച്ചത്.
ഇതുവരെ 70.22 ശതമാനം പോളിങാണ് രേഖപ്പെടുത്തിയത്. ചില ബൂത്തുകളിൽ സാങ്കേതിക പ്രശ്നങ്ങൾ ഉണ്ടായതുമൂലം വോട്ടിംഗ് താമസിച്ചിരുന്നു. പോളിംഗിൻ്റെ ആദ്യഘട്ടങ്ങളിൽ സമാധാനപരമായിരുന്നു. കൂടാതെ വൻ തിരക്കുമുണ്ടായിരുന്നു. എന്നാൽ പിന്നീട് വോട്ടെടുപ്പ് മന്ദഗതിയിലായി. തുടർന്ന് അവസാന മണിക്കൂറുകൾ സംഘർഷഭരിതമായിരുന്നു.
പാലക്കാട് നഗരസഭയിലാണ് ഏറ്റവും കൂടുതല്‍ പോളിങ്. എന്നാൽ കണ്ണാടി ഗ്രാമ പഞ്ചായത്തിലാണ് ഏറ്റവും കുറവ് പോളിംഗ് രേഖപ്പെടുത്തിയത്.
Share This Post
