മൈസൂര്: ഡോ. സുബ്ബണ്ണ അയ്യപ്പനെ മരിച്ച നിലയില് കണ്ടെത്തി. 70 വയസായിരുന്നു. പത്മശ്രീ അവാര്ഡ് ജേതാവും കൃഷി ശാസ്ത്രജ്ഞനും ഇന്ത്യന് കൗണ്സില് ഓഫ് അഗ്രികള്ച്ചറല് റിസര്ച്ച് (ഐസിഎആര്) മുന് മേധാവിയുമായിരുന്നു അദ്ദേഹം. മൈസൂരിൽ നിന്ന് 20 കിലോമീറ്റർ അകലെ മാണ്ഡ്യയ്ക്കടുത്തുള്ള ശ്രീരംഗപട്ടണത്തിലെ കാവേരി നദിയിൽ ഒഴുകിവന്ന നിലയിലാണ് മൃതദേഹം കണ്ടെത്തിയത്.
മേയ് 7 മുതൽ ഇദ്ദേഹത്തെ കാണാനില്ലായിരുന്നു. മൃതദേഹം നദിയിലൂടെ ഒഴുകിവരുന്നത് ശ്രദ്ധയിൽപ്പെട്ട പ്രദേശവാസികൾ പൊലീസിനെ വിവരം അറിയിക്കുകയായിരുന്നു. തുടർന്ന് നടത്തിയ പരിശോധനയിലാണ് മൃതദേഹം തിരിച്ചറിഞ്ഞത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.
Share This Post
