തിരുവനന്തപുരം: വർക്കല ജില്ലാ ആയുർവേദ ആശുപത്രിയിൽ സൗജന്യമായി വൈഫൈ നൽകുന്ന ബിഎസ്എൻഎൽ പദ്ധതി നാളെ മുതൽ ലഭ്യമാകും. ഒരുതവണ ഒരു സിം കാർഡിൽ നിന്ന് ഒ.ടി.പി മുഖേന ആക്ടിവേറ്റ് ആകുന്ന ഫോണിൽ രണ്ട് ജി.ബി വരെ ഡേറ്റാ സൗജന്യമായി ലഭിക്കും.
ഓ.പി യിൽ എത്തുന്ന രോഗികൾക്കും ആശുപത്രിയിലെ കിടപ്പുരോഗികൾക്കും എല്ലാ ജീവനക്കാർക്കും ആശുപത്രിയിൽ വിവിധ സർവീസിനായി എത്തുന്നവർക്കും ഈ സേവനം ഉപയോഗപ്പെടുത്താവുന്നതാണ്. സൗജന്യ സേവനം ലഭ്യമാകുന്നതിന് ദൂരപരിധി നിശ്ചയിച്ചിട്ടുണ്ട്. ആശുപത്രി പരിധിക്കുള്ളിൽ സൗജന്യ വൈഫൈ ലഭിക്കുന്നതിലൂടെ ആഭാ കാർഡ് വഴി ഓ.പി ടിക്കറ്റ് എടുക്കുന്നതിനും സ്കാൻ ആൻ്റ് ഷെയർ ചെയ്യുന്നതിനും അഡ്മിഷൻ ഇടപാടുകൾക്ക് ആവശ്യമായ നെറ്റ് കവറേജ് ലഭിക്കാത്ത സാഹചര്യം പരിഹരിക്കപ്പെടും.
Share This Post
