തിരുവനന്തപുരം: തിരുവനന്തപുരത്ത് ജേഷ്ഠൻ അനുജനെ വെട്ടിക്കൊന്നു. ചിറയിന്കീഴ് പെരുംകുഴിയിലാണ് സഹോദരങ്ങള് തമ്മിലുണ്ടായ അടിപിടിയില് 32കാരന് വെട്ടേറ്റ് മരിച്ചത്. വയൽത്തിട്ട വീട്ടിൽ രതീഷ് ( 32)ആണ് കൊല്ലപ്പെട്ടത്.
സംഭവത്തിൽ സഹോദരൻ മഹേഷിനെ പൊലീസ് പിടികൂടി. കഴുത്തിലാണ് രതീഷിന് വെട്ടേറ്റത്. ചിറയിൻകീഴ് താലൂക്കാശുപത്രിയിൽ എത്തിച്ചെങ്കിലും രക്ഷിക്കാനായില്ല. സംഭവസമയം ഇരുവരും മദ്യലഹരിയിലായിരുന്നു. കഴിഞ്ഞ ദിവസം രാത്രി 9 മണിയോടെയായിരുന്നു സംഭവം.
സഹോദരങ്ങള് തമ്മില് വാക്കുതര്ക്കമുണ്ടാവുകയും ഇത് പിന്നീട് അടിപിടിയായി മാറുകയുമായിരുന്നു. പൊലീസ് സ്ഥലത്തെത്തി കൂടുതൽ തെളിവെടുപ്പ് നടത്തി.
Share This Post
