കോഴിക്കോട്: വേനലവധിയുമായി ബന്ധപ്പെട്ടുള്ള നിർദേശങ്ങൾ നിരത്തി കാന്തപുരം എപി അബൂബക്കർ മുസ്ലിയാർ. വിദ്യാഭ്യാസ മന്ത്രി വി ശിവൻകുട്ടിയെ വേദിയിലിരുത്തിയാണ് കാന്തപുരത്തിന്റെ നിർദേശം. സ്കൂളിലെ വേനലവധിയില് പരിഷ്കരണം വരുത്താമെന്ന് കാന്തപുരം വ്യക്തമാക്കി.
ചൂട് കൂടിയ മെയ് മാസവും, മഴ കൂടുതലുള്ള ജൂൺ മാസവും സ്കൂളുകൾക്ക് അവധി നൽകാമെന്നാണ് നിർദേശം. കൂടാതെ നിലവില് വര്ഷത്തില് മൂന്ന് എന്ന നിലയ്ക്ക് നടക്കുന്ന പരീക്ഷകള് വര്ഷത്തില് രണ്ട് എന്ന രീതിയില് ക്രമീകരിക്കാമെന്നും നിർദേശത്തിലുണ്ട്.
മാത്രമല്ല ചര്ച്ച ചെയ്ത് തീരുമാനങ്ങളെടുക്കുകയാണെങ്കില് തര്ക്കങ്ങളും പ്രതിഷേധങ്ങളും ഒഴിവാക്കാമെന്നും കാന്തപുരം പറഞ്ഞു. പരാതികളും അപേക്ഷകളും നൽകുമ്പോൾ പഠിച്ചിട്ട് പറയാമെന്ന് മന്ത്രി പറയുന്നു, അത് ബുദ്ധിയുള്ളവരുടെ ലക്ഷണമാണെന്നും കാന്തപുരം എപി അബൂബക്കർ മുസ്ലിയാർ പറഞ്ഞു.
Share This Post
