തിരുവനന്തപുരം: സ്ത്രീകളോട് അതിക്രമം കാട്ടിയ കേസിൽ പ്രതിയെ പിടികൂടാൻ സഹായം തേടി തിരുവനന്തപുരം തമ്പാനൂർ പൊലീസ്. തമ്പാനൂർ ഓവർബ്രിഡ്ജ് പരിസരത്തിന് വച്ച് സ്ത്രീയെ ഉപദ്രവിച്ച ശേഷം ഓടിരക്ഷപ്പെട്ട ഇയാളുടെ ചിത്രം പൊലീസ് പുറത്തുവിട്ടു.
ഇയാൾ സ്ഥിരമായി ഇത്തരം കുറ്റകൃത്യം ചെയ്യുന്ന വ്യക്തിയാണെന്നാണ് പൊലീസ് പറയുന്നത്. എന്നാൽ ഇതുവരെ ഈ പ്രതിയെ പിടികൂടാൻ പോലീസിന് സാധിച്ചിട്ടില്ല. മാത്രമല്ല പ്രതിയെ കുറിച്ചുള്ള മറ്റ് വിവരങ്ങളൊന്നും പൊലീസിന് ലഭ്യമല്ല. ഇതോടെയാണ് പ്രതിയെ തിരിച്ചറിയാനായി പൊലീസ് ചിത്രം പുറത്തുവിട്ടത്.
ഈ പ്രതിയെ കുറിച്ച് വിവരം ലഭിക്കുന്നവർ തമ്പാനൂർ പൊലീസിനെ വിവരം അറിയിക്കണമെന്നാണ് ഉദ്യോഗസ്ഥർ അഭ്യർത്ഥിച്ചത്. പതിവായി ട്രെയിനിൽ തമ്പാനൂരിൽ വന്നിറങ്ങുന്ന പ്രതി സ്ത്രീകളോട് അതിക്രമം കാട്ടി ഓടിരക്ഷപ്പെടാറുണ്ടെന്നും പൊലീസ് പറയുന്നു.
Share This Post
