തിരുവനന്തപുരം: തിരുവനന്തപുരത്ത് നിയന്ത്രണം വിട്ട ഓട്ടോ മറിഞ്ഞ് സ്കൂൾ വിദ്യാർത്ഥിനി മരിച്ചു. കടയ്ക്കാവൂർ എസ് .എസ് .പി .ബി .എച്ച്. എസ്. ആറാം ക്ലാസ് വിദ്യാർത്ഥിനിയാണ് മരിച്ചത്.
തെരുവ് നായ കുറുകെ ചാടിയതിനെ തുടർന്നാണ് വാഹനത്തിന്റെ നിയന്ത്രണം നഷ്ടപ്പെട്ടത്. അഞ്ച് തെങ്ങ് മാമ്പള്ളിയിൽ ഇറാത്ത് പടിഞ്ഞാറു വീട്ടിൽ സഖി (11) മരണപ്പെട്ടത്. ഇന്ന് ഉച്ചയ്ക്കാണ് സംഭവം നടന്നത്.
സ്കൂളിൽ പി ടി എ മീറ്റിംഗിന് പങ്കെടുത്ത ശേഷം സഖിയുടെ അച്ഛൻ ഓടിച്ചിരുന്ന ഓട്ടയിൽ അമ്മയോടൊപ്പം പോകവേയാണ് അപകടം നടന്നത്. കടയ്ക്കാവൂർ കാനറാ ബാങ്ക് സമീപത്ത് വച്ച് നായ കുറുക്ക് ചാടിയതിനെ തുടർന്ന് ഓട്ടോയുടെ നിയന്ത്രണം നഷ്ടപ്പെടുകയായിരുന്നു.
അപകടത്തിൽ കുട്ടിക്ക് ഗുരുതരമായി പരിക്കേറ്റിരുന്നു. തുടർന്ന് വിദ്യാർത്ഥിയെ മെഡിക്കൽ കോളേജ് ആശുപത്രിയിൽ കൊണ്ടുപോകുന്ന വഴിക്ക് വച്ച് മരണം സംഭവിക്കുകയായിരുന്നു. അച്ഛനും അമ്മയ്ക്കും അപകടത്തെ തുടർന്ന് പരിക്ക് പറ്റിയിട്ടുണ്ട്.
