തിരുവനന്തപുരം: തിരുവനന്തപുരത്ത് ആത്മഹത്യ ചെയ്ത കൗൺസിലർ അനിൽകുമാർ നേതൃത്വം നൽകിയിരുന്ന ഫാം ടൂർ സൊസൈറ്റിയിൽ ക്രമക്കേടും സാമ്പത്തിക പ്രതിസന്ധിയുമുണ്ടായിരുന്നെന്ന് റിപ്പോർട്ട്. സഹകരണവകുപ്പിന്റെ റിപ്പോർട്ടിലാണ് ഇക്കാര്യം പരാമർശിച്ചിരിക്കുന്നത്.
നഷ്ടമായ തുക സംഘം സെക്രട്ടറിയില് നിന്നും ഭരണസമിതി അംഗങ്ങളില് നിന്നും പലിശ സഹിതം ഈടാക്കണമെന്നും റിപ്പോര്ട്ടിലുണ്ട്. രണ്ടു മാസങ്ങള്ക്കു മുമ്പ് സഹകരണ വകുപ്പ് നടത്തിയ പരിശോധനയിലാണ് ക്രമക്കേട് കണ്ടെത്തിയത്.
സംഘത്തിന് 14 ലക്ഷം രൂപയുടെ നഷ്ടമുണ്ടായിട്ടുണ്ട്. ചട്ട വിരുദ്ധമായി നിക്ഷേപകർക്ക് പലിശ നൽകിയെന്ന് അസി.രജിസ്ട്രാറുടെ റിപ്പോർട്ട്. സഹകരണ വകുപ്പിന്റെ സര്ക്കുലര് നിര്ദ്ദേശങ്ങള്ക്ക് വിരുദ്ധമായി സംഘം പ്രവര്ത്തിച്ചു.
ബാങ്കില് താത്കാലിക നിയമനം നടത്തിയതില്18 ലക്ഷം രൂപ നഷ്ടമുണ്ടായി. അനുമതിയില്ലാതെ സി ക്ലാസ് അംഗങ്ങള്ക്ക് വായ്പ നല്കിയതില് രണ്ടരക്കോടി രൂപ കുടിശികയായി. അനുമതി ഇല്ലാതെ പൊതുഫണ്ട് നഷ്ടപ്പെടുത്തിയത് വഴി 12 ലക്ഷത്തിന്റെ ക്രമക്കേടുമുണ്ടായെന്നും റിപ്പോർട്ടിൽ പറയുന്നു. അതേസമയം അനിൽ കുമാറിന്റെ ആത്മഹത്യ കേസ് ഡിവൈഎസ്പി തലത്തിലുള്ള മറ്റൊരു അന്വേഷണ സംഘത്തിന് കൈമാറും.
