തിരുവനന്തപുരം: ശബരിമല ദര്ശനത്തിനായി ദ്രൗപതി മുര്മു ഈ മാസം 22ന് കേരളത്തിലെത്തും. ഈ മാസം 24 വരെ രാഷ്ട്രപതി കേരളത്തിൽ തുടരും. തുലാമാസ പൂജയുടെ അവസാന ദിനമാണു രാഷ്ട്രപതി സന്നിധാനത്തെത്തുന്നത്.
22ന് നെടുമ്പാശ്ശേരി വിമാനത്താവളത്തില് എത്തുന്ന രാഷ്ട്രപതി ശബരിമലയില് ദര്ശനം നടത്തും. 22ന് ഉച്ചയ്ക്ക് നെടുമ്പാശേരിയില് എത്തുന്ന രാഷ്ട്രപതി തുടര്ന്ന് നിലയ്ക്കലില് തങ്ങിയ ശേഷമാകും വൈകീട്ടോടെ ശബരിമലയില് ദര്ശനത്തിനെത്തുക. ദർശനം നടത്തി അന്നു തന്നെ മലയിറങ്ങുന്ന രാഷ്ട്രപതി രാത്രി തിരുവനന്തപുരത്തെത്തും.
സുരക്ഷയുമായി ബന്ധപ്പെട്ട എല്ലാ വിലയിരുത്തലുകളിലേക്കുമുള്ള നടപടികൾ സ്വീകരിച്ചുകഴിഞ്ഞു. ഒക്ടോബര് 16 മുതലാണ് തുലാമാസ പൂജകള്ക്കായി ശബരിമല നട തുറക്കുന്നത്. ആഗോള അയ്യപ്പ സംഗമ വേദിയില് തന്നെ രാഷ്ട്രപതി ശബരിമല ദര്ശനത്തിനെത്തുമെന്ന് മന്ത്രി വി എന് വാസവന് അറിയിച്ചിരുന്നു.
