തിരുവനന്തപുരം: തിരുവനന്തപുരം കോര്പ്പറേഷൻ തെരഞ്ഞെടുപ്പിൽ മുട്ടട വാര്ഡിൽ കോണ്ഗ്രസിന് തിരിച്ചടി.തിരുവനന്തപുരം കോർപ്പറേഷനിലെ മുട്ടട ഡിവിഷൻ കോൺഗ്രസ് സ്ഥാനാർഥി വൈഷ്ണയ്ക്ക് മത്സരിക്കാനാകില്ല. സംസ്ഥാന തെരഞ്ഞെടുപ്പ് കമ്മീഷന് വോട്ടര് പട്ടികയില് നിന്ന് പേര് നീക്കം ചെയ്തു.
വൈഷ്ണക്കെതിരെ സിപിഎം നൽകിയ പരാതി ശരിവെച്ചാണ് തെരഞ്ഞെടുപ്പ് കമ്മീഷന്റെ നടപടി. മേൽവിലാസത്തിലെ പിഴവ് ചൂണ്ടിക്കാട്ടിയുള്ള പരാതി അംഗീകരിച്ചാണ് സംസ്ഥാന തെരഞ്ഞെടുപ്പ് കമ്മീഷൻ വോട്ടർപ്പട്ടികയിൽ നിന്ന് വൈഷ്ണയുടെ പേര് നീക്കം ചെയ്തു.
ഇതോടെ തെരഞ്ഞെടുപ്പില് മത്സരിക്കാന് സാധിച്ചേക്കില്ല. അന്തിമ വോട്ടര് പട്ടിക ഇന്നാണ് പ്രസിദ്ധീകരിച്ചത്. ഇതിൽ വൈഷ്ണ സുരേഷിന്റെ പേരില്ല. പേരൂര്ക്കട ലോ കോളേജിലെ നിയമവിദ്യാര്ത്ഥിയായ 24കാരി വൈഷ്ണയുടെ സ്ഥാനാര്ത്ഥിത്വം തുടക്കം മുതല് ശ്രദ്ധനേടിയിരുന്നു.
Share This Post
