തിരുവനന്തപുരം: തിരുവനന്തപുരത്ത് സിപി(ഐ)എം പ്രവർത്തകന്റെ വീടിനു നേരെ ആക്രമം. തിരുവനന്തപുരം വിഴിഞ്ഞം പുത്തളത്താണ് സംഭവം. സിപിഐഎം പ്രവർത്തകനും എസ്എഫ്ഐ ലോക്കൽ സെക്രട്ടറിയുമായ അശ്വന്തിന്റെ വീടിനു നേരെയാണ് ആക്രമണം ഉണ്ടായത്.
ഇന്ന് പുലർച്ചെ 3:00 മണിയോടെയാണ് അക്രമം ഉണ്ടായത്. വീട്ടിൽ പാർക്ക് ചെയ്തിരുന്ന ബൈക്കുകളും ഓട്ടോയും അടിച്ചു തകർത്തു. ലഹരി മാഫിയ ഗുണ്ടാ സംഘമാണ് ആക്രമണം നടത്തിയതെന്നാണ് വിവരം. ആക്രമണ സംഘം കുടുംബത്തിന് നേരെ ഭീഷണി ഉയർത്തുകയും ചെയ്തു.
ഷാഹുൽ രാജിൻ്റെ നേതൃത്വത്തിൽ ആക്രി എന്ന് വിളിക്കുന്ന ശരത്തും സംഘവുമാണ് സ്ഥലത്തെത്തി അക്രമം നടത്തിയത്. കാപ്പ കേസ് പ്രതി രാഹുൽ രാജുമായുണ്ടായ പ്രശ്നത്തിലെ വൈരാഗ്യത്തെ തുടർന്നാണ് അക്രമം. സംഭവത്തിൽ കാഞ്ഞിരംകുളം പോലീസ് കേസെടുത്തു.
Share This Post
