തിരുവനന്തപുരം: തിരുവനന്തപുരത്ത് 13 ലിറ്റർ ചാരായവും 110 ലിറ്റർ വാഷുമായി ഒരാൾ പിടിയിൽ. ഇയാളുടെ പക്കൽ നിന്നും വാറ്റ് ഉപകരണങ്ങളും കണ്ടെടുത്തു. പെരിങ്ങമ്മല സ്വദേശി സിന്ധു എന്ന് വിളിക്കുന്ന രാജീവാണ് (56) പിടിയിലായത്.
നെയ്യാറ്റിൻകര എക്സൈസ് ആണ് ഇയാളെ പിടികൂടിയത്. ഇലക്ഷൻ – ക്രിസ്മസ് ദിനങ്ങളിൽ വിൽപ്പനയ്ക്ക് തയാറാക്കിയതായിരുന്നു ചാരായം. സുഹൃത്തിൻ്റെ ഒറ്റമുറി വീട്ടിൽ രഹസ്യമായി ചാരായം വാറ്റി സ്കൂട്ടറിൽ വിൽപ്പന നടത്തുകയായിരുന്നെന്ന് എക്സൈസ് പറഞ്ഞു.ചാരായം വാറ്റാൻ ഉപയോഗിച്ച പാത്രങ്ങൾ, സ്റ്റൗ – ഗ്യാസ് കുറ്റി സ്കൂട്ടർ എന്നിവയും കസ്റ്റഡിയിലെടുത്തു. സ്ഥലം ഉടമയായ സുഹൃത്തിൻ്റെ പങ്കും അന്വേഷിക്കുന്നുണ്ട്.
Share This Post
