തിരുവനന്തപുരം: തിരുവനന്തപുരത്തെ പോസ്റ്റല് വകുപ്പ് ക്രിസ്മസ് ആഘോഷത്തില് ഗണഗീതം വേണമെന്ന ആവശ്യവുമായി സംഘപരിവാർ അനുകൂല തൊഴിലാളി സംഘടനയായ ബി എം എസ്. തിരുവനന്തപുരം മേഖലാ ഓഫീസിലെ ക്രിസ്മസ് ആഘോഷത്തില് ഗണഗീതം ആലപിക്കണമെന്നാണ് ബിഎംഎസ് ആവശ്യപ്പെട്ടിരിക്കുന്നത്.
ഇതിനെതിരെ കടുത്ത എതിർപ്പുമായി ഇടത് – കോൺഗ്രസ് അനുകൂല സംഘടനകൾ രംഗത്തെത്തി. നാളെയാണ് മേഖല ആസ്ഥാനത്ത് ക്രിസ്മസ് ആഘോഷം. ക്രിസ്മസ് കരോൾ അഘോഷങ്ങളിൽ ഗണഗീതം ആലപിക്കണം എന്നാണ് ആവശ്യം.
ഗണഗീതം ദേശഭക്തി ഗാനമാണെന്നാണ് ബിഎംഎസിന്റെ വാദം. വന്ദേ ഭാരത് ഉദ്ഘാടന വേളയിൽ കുട്ടികൾ പാടിയ ദേശഭക്തി ഗാനം ആലപിക്കണമെന്ന് കത്തിൽ പറയുന്നു. ഗണഗീതം ആലപിക്കുന്നത് വീഡിയോ എടുക്കാനും സോഷ്യല് മീഡിയയില് ഇടാന് അനുവാദം നല്കണമെന്നും അനുമതി തേടിയുള്ള അപേക്ഷയില് ആവശ്യപ്പെടുന്നു.
Share This Post
