ആലപ്പുഴ: ആലപ്പുഴ ട്രഷറി പെൻഷനേഴ്സ് റെക്രിയേഷൻ ക്ലബ് സംഘടിപ്പിച്ച ബാലു മെമ്മോറിയൽ എവറോളിംഗ് ട്രോഫി ക്രിക്കറ്റ് ടൂർണമെന്റ് ട്രഷറി പ്രീമിയർ ലീഗ് സീസൺ-3 ഫൈനൽ മത്സരത്തിൽ തിരുവനന്തപുരം ജില്ല ടീം ജേതാക്കളായി. വിജയികൾക്ക് ട്രഷറി ഡയറക്ടർ വി. സാജൻ എവറോളിംഗ് ട്രോഫി കൈമാറി.
കേരളത്തിലെ 14 ജില്ലകളിൽ നിന്നുമുള്ള ട്രഷറി വകുപ്പിലെ ജീവനക്കാർ ജനുവരി 10,11 തീയതികളിൽ ആലപ്പുഴയിൽ വെച്ച് നടന്ന വാശിയേറിയ ക്രിക്കറ്റ് ഫൈനൽ മത്സരത്തിൽ തിരുവനന്തപുരം ജില്ലയും കാസർഗോഡ് ജില്ലയും തമ്മിൽ ഏറ്റുമുട്ടിയ 5 ഓവർ മത്സരത്തിൽ ആദ്യം ബാറ്റ് ചെയ്ത കാസർഗോഡ് 5 വിക്കറ്റിന് 48 റൺസ് എടുക്കുകയും മറുപടി ബാറ്റ് ചെയ്ത തിരുവനന്തപുരം ഒരു വിക്കറ്റ് നഷ്ടത്തിൽ 3.2 ഓവറിൽ വിജയിക്കുകയും ചെയ്തു.
ഫൈനൽ മത്സരത്തിൽ 42 റൺസ് എടുത്ത ശരതിനെ (കിച്ചു) മാൻ ഓഫ്ആ ദി മാച്ച് ആയി തിരഞ്ഞെടുക്കുകയും ചെയ്തു. മത്സരത്തിൽ ഉടനീളം മികച്ച പ്രകടനം കായ്ച്ചവെച്ച തിരുവനന്തപുരം ജില്ലയുടെ ക്യാപ്റ്റൻ റസാക്കിനെ (133 റൺസ്) പ്ലേയർ ഓഫ് ദി ടൂർണമെന്റായും തിരഞ്ഞെടുത്തു.
