കാര്യവട്ടം ശ്രീകണ്ഠൻനായർക്ക് അവാർഡ്

തിരുവനന്തപുരം: സത്യജിത്  റേ ഫിലിം സൊസൈറ്റി പ്രഖ്യപിച്ച 2025ലെ ഷോർട്ഫിലിമുകളിൽ നല്ല സ്വഭാവ നടൻ്റെ അവാർഡ് കാര്യവട്ടം ശ്രീകണ്ഠൻനായർക്ക്. ജസിന്തമോറിസു രചനയും സംവിധാനവും നിർവഹിച്ച ‘മണവാട്ടികാത്തിരിക്കുന്നു’, ‘ലോകം അങ്ങനെയാണ്’ എന്നീ ചിത്രങ്ങളിലെ അഭിനയത്തിനാണ് അവാർഡ്. സംവിധായകരായ ബാലുകിര്യയത്ത്, തുളസിദാസ്, സജിൻലാൽ എന്നിവരായിരുന്നു ജൂറി അംഗങ്ങൾ.

ഫെബ്രുവരി ഒന്നിന്  എ.കെ.ജി. ഹാളിൽ നടക്കുന്ന ചടങ്ങിൽ അവാർഡ് സമ്മാനിക്കും. കവിയും നാടകകാരനും ഗാനരചയിതാവും പ്രഭാഷകനുമായ കാര്യവട്ടം ശ്രീകണ്ഠൻനായർ ഇതുവരെയായി 20 സീരിയൽ, ടെലിസിനിമകളിലും 7 സിനിമകളിലും അഭിനയിച്ചിട്ടുണ്ട്.

സാഹിത്യത്തിൻ്റെ വിവിധ ശാഖകളിലായി പത്തിൽപരം കൃതികൾ പ്രസിദ്ധീകരിച്ചിട്ടുണ്ട്. ഈ അവാർഡ്  ദാന ദിവസം തന്നെ കളത്തറഫൗണ്ടേഷൻ കേരളയുടെ ‘ഭാരതീയം നാടക സപര്യപുരസ്കാര’വും ശ്രീകണ്ഠൻനായർ ഏറ്റുവാങ്ങും.