ന്യൂയോര്ക്ക്: ചരിത്രം കുറിച്ച് ആർട്ടെമിസ് 2 സംഘം ഭൂമിയിലേക്ക് തിരിച്ചെത്തി. ചന്ദ്രനെ ചുറ്റിയ പേടകം ഇന്ത്യന് സമയം പുലർച്ചെ 5.07നാണ് പേടകം ഭൂമിയിൽ പ്രവേശിച്ചത്. പസഫിക് സമുദ്രത്തില് സാന്ഡിയാഗോ തീരത്തിനടുത്താണ് പേടകം സ്പ്ലാഷ് ഡൗണ് ചെയ്തത്. എല്ലാവരെയും ലൈഫ് ബോട്ടിലേക്ക് മാറ്റി.
54 വര്ഷത്തിന് ശേഷമാണ് മനുഷ്യര് ചന്ദ്രന്റെ ഭ്രമണപഥത്തിലേക്ക് വീണ്ടും പ്രവേശിച്ചത്. യുഎസിൽ നിന്നുള്ള റീഡ് വൈസ്മാൻ, വിക്ടർ ഗ്ലോവർ, ക്രിസ്റ്റീന കുക്ക്, കാനഡക്കാരൻ ജെറമി ഹാൻസൻ എന്നിവരാണ് തിരികെയെത്തിയത്. ഭൂമിയിൽ നിന്ന് കാണാൻ കഴിയാത്ത ചന്ദ്രന്റെ വശം കണ്ടാണ് ഒറയോൺ പേടകം ചന്ദ്രനെ ചുറ്റി വന്നത്.
ഏപ്രില് രണ്ടിന് ഇന്ത്യന് സമയം പുലര്ച്ചെ 4.05 -ന് ഫ്ളോറിഡയിലെ കെന്നഡി സ്പേസ് സെന്ററിലെ 39 ബി വിക്ഷേപണത്തറയില് നിന്നായിരുന്നു ചാന്ദ്രദൗത്യത്തിന് തുടക്കമായത്. പത്ത് ദിവസം നീണ്ട ദൗത്യമായിരുന്നു ആര്ട്ടിമെസ് 2വിന്റേത്. ഭൂമിയില് നിന്നും ദൃശ്യമല്ലാത്ത ചന്ദ്രന്റെ മറുപുറം കൂടി കാണുകയും ചിത്രങ്ങള് പകര്ത്തുകയും ശേഷമാണ് ആര്ട്ടെമിസ് 2ന്റെ ഒറയോണ് പേടകം തിരിച്ചെത്തിയിരിക്കുന്നത്.
