ഇസ്ലാമാബാദ്: യുഎസ് – ഇറാൻ ചർച്ചയിൽ ധാരണയിൽ എത്താൻ കഴിഞ്ഞില്ലെന്ന് യുഎസ് വൈസ് പ്രസിഡന്റ് ജെ ഡി വാൻസ്. അമേരിക്കയുടെ നിബന്ധനകള് ഇറാന് സ്വീകരിച്ചില്ലെന്ന് ജെ ഡി വാന്സ് അറിയിച്ചു. ഇറാനുമായുള്ള ചര്ച്ചയില് പോരായ്മ ഉണ്ട്. കൂടാതെ അമേരിക്കയുടെ നിബന്ധനകള് സ്വീകരിക്കേണ്ടെന്ന് ഇറാന് തീരുമാനിച്ചെന്നും വാന്സ് മാധ്യമങ്ങളോട് പറഞ്ഞു.
അമേരിക്കയും ഇറാനും തമ്മിൽ പാകിസ്ഥാന്റെ മധ്യസ്ഥതയിൽ ഇസ്ലാമാബാദിൽ വച്ച് 21 മണിക്കൂറിലേറെ മാരത്തണ് ചർച്ച നടന്നു. ചര്ച്ചയ്ക്ക് ആതിഥേയത്വം വഹിച്ച പാകിസ്താനോട് നന്ദി പറഞ്ഞാണ് ജെ ഡി വാന്സ് വാര്ത്താസമ്മേളനം ആരംഭിച്ചത്.
കരാറിലെത്താന് ആകാത്തത് ഇറാനും അമേരിക്കയ്ക്കും മോശം വാര്ത്തയാണെന്നും വാന്സ് പറഞ്ഞു. റെഡ് ലൈൻ നിശ്ചയിച്ചെന്നും ഇറാൻ ആണവ ആയുധം ഉണ്ടാക്കരുത് എന്നതാണ് പ്രധാനമെന്നും യുഎസ് വൈസ് പ്രസിഡന്റ് പറഞ്ഞു. അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രധാന ലക്ഷ്യം അതായിരുന്നുവെന്നും ഈ ചര്ച്ചയില് തങ്ങള് കൈവരിച്ച നേട്ടം ഇതാണെന്നും വാന്സ് വ്യക്തമാക്കി.
