തിരുവനന്തപുരം: നവകേരള യാത്രയ്ക്കിടെ ആലപ്പുഴയിൽ യൂത്ത് കോണ്ഗ്രസ് നേതാക്കളെ മര്ദ്ദിച്ച സംഭവത്തിൽ നടപടി. സംഭവത്തിൽ മുന് മുഖ്യമന്ത്രിയുടെ സുരക്ഷാ ഉദ്യോഗസ്ഥരെ സസ്പെന്ഡ് ചെയ്തു. 2023ൽ നവകേരള യാത്രിക്കിടെ അന്നത്തെ മുഖ്യമന്ത്രിയായിരുന്ന പിണറായി വിജയൻ സഞ്ചരിച്ചിരുന്ന വാഹനവ്യൂഹത്തിനെതിരേ കരിങ്കൊടി കാണിച്ച യൂത്ത് കോൺഗ്രസ് പ്രവർത്തകരെ ഗൺമാൻമാർ മർദിച്ച സംഭവത്തിലാണ് നടപടി സ്വീകരിച്ചരിക്കുന്നത്.
ഗണ്മാന് അനില്കുമാര്, പൊലീസുകാരായ എസ് സന്ദീപ്, അരുണ്, വിപിന്, ഷൈജു എന്നിവര്ക്കാണ് സസ്പെന്ഷന്. ഗണ്മാന്മാരുടെ മുന്കൂര് ജാമ്യാപേക്ഷ ഉടന് പരിഗണിക്കും. പൊലീസുകാര് വിവിധ യൂണിറ്റുകളിലായതിനാൽ ഉത്തരവ് പൊലീസ് മേധാവി സസ്പെന്ഷന് ഉത്തരവിറക്കി.
എസ്പി ഷൗക്കത്തിലിയുടെ നേതൃത്വത്തിലുള്ള പ്രത്യേക സംഘം അന്വേഷിച്ച കേസിൽ സുരക്ഷാ ഉദ്യോഗസ്ഥർ അന്യായമായി ആയുധം ഉപയോഗിച്ച് ആക്രമിച്ചെന്ന് കണ്ടെത്തിയിരുന്നു. ഗുരുതരമായ ചട്ടലംഘനമാണ് ഉണ്ടായതെന്നും ശക്തമായ വകുപ്പുതല നടപടി വേണമെന്നും എസ്ഐടി ശുപാര്ശ ചെയ്തിരുന്നു. ഉദ്യോഗസ്ഥര്ക്കെതിരെ വധശ്രമം ഉള്പ്പെടെയുളള വകുപ്പുകള് ചുമത്താനും തീരുമാനമായിട്ടുണ്ട്.
