തിരുവനന്തപുരം : പള്ളിപ്പുറം സ്വദേശിയായ അഞ്ചാം ക്ലാസ് വിദ്യാർഥി നിബാസിനെ (10) തെരുവ് നായ കടിച്ച് പരിക്കേൽക്കിച്ചു. പളിപ്പുറം കാരമൂട് ടെക്നോ സിറ്റി കോളനി-42ൽ താമസിക്കുന്ന നജുമുദ്ധീൻ
സബീന ബീവി ദമ്പതികളുടെ മകനാണ് പോത്തൻകോട് ഗവ.യു.പി സ്കൂളിലെ വിദ്യാർഥിയായ നിബാസ്.
സ്കൂൾ ബസിൽ വൈകിട്ട് 4.30 ഓടെ കാരമൂട് വാട്ടർ ടാങ്കറിന് സമീപം ഇറങ്ങി വീട്ടിലേക്ക് നടന്നു പോകവേയാണ് തെരുവ് നായ ആക്രമിച്ചത്. കുട്ടിക്ക് നിരവധി കടിയേറ്റതായാണ് ലഭ്യമാകുന്ന വിവരം.
നിർവധി പേർ ഇതിന് മുൻപും തെരുവ് നായ്ക്കളുടെ ആക്രമണത്തിന് ഇരയായിട്ടുണ്ട്. കുട്ടിയെ തിരുവനന്തപുരം ജനറൽ ആശുപത്രിയിൽ പ്രവേശിപ്പിച്ചിരിക്കുകയാണ് ഇപ്പോൾ. പ്രദേശത്ത് തെരുവ് നായ്ക്കളുടെ ശല്യം രൂക്ഷമാണെങ്കിലും നാളിതുവരെ അധികൃതരാരും തന്നെ പ്രസ്തുത വിഷയത്തിൽ ഇടപെട്ടിട്ടില്ല എന്നാണ് പ്രദേശവാസികളുടെ പരാതി.
Share This Post
