കൊച്ചി : കൃത്യമായി നികുതി അടക്കുന്നതിൽ ചലച്ചിത്ര നടൻ മോഹൻലാലിനെ കേന്ദ്ര സർക്കാർ കഴിഞ്ഞ ദിവസം അനുമോദിച്ചിരുന്നു. ഇത് സാമൂഹ്യ മാധ്യമങ്ങളിലടക്കം വലിയ രീതിയിൽ പ്രചരിക്കുകയും ചെയ്തിരുന്നു. ഇപ്പോഴിതാ മഞ്ജു വാര്യരെയും അഭിനന്ദിച്ചിരിക്കുകയാണ് കേന്ദ്ര സർക്കാർ. കേന്ദ്ര ഫിനാൻസ് മന്ത്രാലയത്തിൽ നിന്നുമാണ് മഞ്ജു വാര്യരെ തേടി അഭിനന്ദനമെത്തിയത്.
നാടിന് വേണ്ടി കൃത്യമായി ടാക്സ് നൽകുന്നത് വഴി മികച്ച മാതൃകയാവുകയാണ് മഞ്ജു വാര്യർ എന്നും കേന്ദ്രം പറയുന്നു. ജാക്ക് ആൻഡ് ജിൽ , മേരി ആവാസ സുനോ എന്നിവയാണ് മഞ്ജു വാര്യരുടെ പുറത്തിറങ്ങിയ അവസാന മലയാള ചിത്രങ്ങൾ. തമിഴ് നടൻ അജിത് നായകനാകുന്ന ചിത്രത്തിലാണ് ഇപ്പോൾ മഞ്ജു വാര്യർ അഭിനയിക്കുന്നത്.
Share This Post
