വർക്കല : തിരുവനന്തപുരം വർക്കലയിൽ ഇലകമൺ വി.കെ.ഹൗസിൽ പ്രണബാ(28)ണ് പിടിയിലായത്. 2018 മുതൽ പരിചയമുണ്ടായിരുന്ന യുവതിയെ വിവിധ സ്ഥലങ്ങളിൽ കൊണ്ടുപോയി പീഡിപ്പിച്ചെന്ന പരാതിയിലാണ് അറസ്റ്റ്. ഇവരുടെ ബന്ധം ഇരുവരുടെയും വീട്ടുകാർക്ക് അറിയാമായിരുന്നതായും വിവാഹം നടത്തിക്കൊടുക്കാമെന്ന് വീട്ടുകാർ സമ്മതിച്ചിരുന്നതായും യുവതിയുടെ പരാതിയിൽ പറയുന്നു.
ഇതിനിടെ പ്രണബ് ബന്ധത്തിൽനിന്ന് ഒഴിഞ്ഞുമാറാൻ ശ്രമിച്ചു. ഇതുമായി ബന്ധപ്പെട്ട് യുവതിയുടെ പരാതിയിൽ 2021 സെപ്റ്റംബറിൽ പോലീസ് സ്റ്റേഷനിൽ ഇരുകൂട്ടരെയും വിളിച്ചുവരുത്തിയിരുന്നു. രണ്ടുവർഷത്തിനകം യുവതിയുമായുള്ള വിവാഹം നടത്താമെന്ന് പോലീസിനോടു സമ്മതിക്കുകയും രേഖാമൂലം എഴുതി നൽകുകയും ചെയ്തിരുന്നു.
അതിനുശേഷം പ്രണബ് മറ്റൊരു യുവതിയുമായി വിവാഹനിശ്ചയം നടത്തി. ഇതിനെത്തുടർന്നാണ് യുവതി പോലീസിൽ പരാതി നൽകിയത്.
Share This Post
