തിരുവനന്തപുരം : കേരളത്തിൽ മഴ ശക്തമായി തന്നെ തുടരുന്നു. മലപ്പുറം, തൃശൂർ, കോഴിക്കോട്, കണ്ണൂർ, കാസർകോട് എന്നീ ജില്ലകളിൽ യെല്ലോ അലേർട്ട് പ്രഖ്യാപിച്ചിരിക്കുകയാണ്. മലയോര മേഖലകളിൽ ഉള്ളവർക്കും തീരപ്രദേശത്തുള്ളവർക്കും ജാഗ്രത നിർദേശം നൽകിയിരിക്കുകയാണ് കാലാവസ്ഥ വകുപ്പ്. മൽസ്യ തൊഴിലാളികൾക്ക് കടലിൽ പോകുന്നതിനു ഏർപ്പെടുത്തിയിരുന്ന വിലക്ക് ഇപ്പോഴും തുടരുന്നുണ്ട്.
വയനാട് ജില്ലയിൽ പ്രൊഫെഷണൽ കോളേജുകൾ ഉൾപ്പടെയുള്ള വിദ്യാഭ്യാസ സ്ഥാപനങ്ങൾക്ക് കലക്റ്റർ അവധി പ്രഖ്യാപിച്ചിരിക്കുകയാണ്. എന്നാൽ മുൻകൂട്ടി നിശ്ചയിച്ചിരുന്ന അഭിമുഖങ്ങൾക്കും പരീക്ഷകൾക്കും മാറ്റമില്ല. ഇടുക്കി ദേവികുളം താലൂക്ക് , ബൈസൺവാലി-ചിന്നക്കനാൽ വിദ്യാഭ്യാസ സ്ഥാപനങ്ങൾക്കും നിലമ്പൂർ വിദ്യാഭ്യാസ ഉപജില്ലയിലെ വിദ്യാഭ്യാസ സ്ഥാപനങ്ങൾക്കും ഇന്ന് അവധിയാണ്.
Share This Post
