മംഗളൂരു: മംഗളൂരുവിലെ മെഡിക്കല്‍ കോളെജുകളിൽ പൊലീസിന്‍റെ ലഹരിവേട്ട. മലയാളികൾ ഉൾപ്പെടെ 9 പേരെയാണ് കഴിഞ്ഞ ദിവസം നടത്തിയ പരിശോധനയിൽ പൊലീസ് അറസ്റ്റ് ചെയ്തത്. ലഹരിവേട്ടയുടെ ഭാഗമായി 22 പേരെയാണ് പിടികൂടിയത്. ഇതിൽ ഭൂരിഭാഗം പേരും മെഡിക്കൽ രംഗത്തുള്ളവരാണ്.
ഉത്തർപ്രദേശിൽ നിന്നുള്ള വിദുഷ് കുമാർ, മൂന്നാം വർഷ എം.ബി.ബി.എസ് വിദ്യാർഥിയും മലയാളിയുമായ സൂര്യജിത്ത്ദേവ് (20), അയ്ഷ മുഹമ്മദ് (23), ദില്ലി സ്വദേശിയായ മെഡിക്കല്‍ വിദ്യാര്‍ഥി ശരണ്യ (23), കര്‍ണാടക സ്വദേശി ഡോ. സിദ്ധാര്‍ഥ് പവസ്‌കര്‍ (29), തെലങ്കാനയിലെ മെഡിക്കല്‍ വിദ്യാര്‍ഥി പ്രണയ് നടരാജ് (24), കര്‍ണാടക സ്വദേശി ഡോ. സുധീന്ദ്ര (34), തെലങ്കാനയിലെ മെഡിക്കല്‍ വിദ്യാര്‍ഥി ചൈതന്യ ആര്‍. തുമുലൂരി (23), ഉത്തര്‍പ്രദേശ് സ്വദേശി ഡോ. ഇഷാ (27) എന്നിവരെയാണ് മംഗളൂരു പൊലീസ് അറസ്റ്റ് ചെയ്തത്.
Share This Post
