വെഞ്ഞാറമൂട്: കാര്‍ മതിലിലേക്ക് ഇടിച്ചു കയറി ദമ്പതികളില്‍ ഭാര്യ മരിച്ചു. ഭര്‍ത്താവിന് പരിക്ക്. നിലമേല്‍ പോരേടം എ.കെ. മന്‍സിലില്‍ അസീഫാ ബീവിയാണ്(67)മരിച്ചത്. ഭര്‍ത്താവ് അബ്ദുല്‍ ഖരിമിനാണ്(71. റിട്ട.സി.ആര്‍.പി.എഫ്) പരിക്കേറ്റത്. തിങ്കളാഴ്ച രാവിലെ ഒമ്പതിന് തൈയ്ക്കാട് പോത്തന്‍കോട് ബൈപ്പാസില്‍ വെളാവൂര്‍ ജംഗ്ഷന് സമീപം വച്ചായിരുന്നു അപകടം.
തിരുവനന്തപുരത്തെ സ്വകാര്യ ആശുപത്രിയില്‍ ആസിഫാ ബീവിയുടെ പരിശോധനകള്‍ക്കായി പോവുകയായിരുന്നു. യാത്രക്കിടയില്‍ എതിര്‍ ദിശയില്‍ നിന്നും വന്ന കാറില്‍ തട്ടി വാഹനത്തിന്റെ നിയന്ത്രണം തെറ്റുകയായിരുന്നു. തുടർന്ന് വാഹനം സമീപത്തെ മതിലിലേക്ക് ഇടിച്ചു കയറുകയായിരുന്നു.തുടര്‍ന്ന് അപകടം സ്ഥലത്തെത്തിയ നാട്ടുകാര്‍ പരിക്കേറ്റവരെ വെഞ്ഞാറമൂട്ടിലെ സ്വകാര്യ മെഡിക്കല്‍ കോളേജാശുപത്രിയില്‍ പ്രവേശിപ്പിച്ചുവെങ്കിലും ആസിഫാ ബീവി താമസിയാതെ മരണമടയുകയായിരുന്നു. വെഞ്ഞാറമൂട് പോലീസ് ഇന്‍ക്വസ്റ്റ് നടത്തിയ മൃതദേഹം തിരുവന്തപുരം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. മക്കള്‍. ഷംനാദ്, അന്‍ഷാദ്(ഇരുവരും ഗള്‍ഫ്).ഷമീന.(അധ്യാപിക, അർക്കന്നൂര്‍ എച്ച്.എസ്.) മരുമക്കള്‍. നൗഷാദ്, ഷീജ, ഷാജിദ.
