കോഴിക്കോട്: വീണ്ടും കറുപ്പിന് വിലക്ക്. മുഖ്യമന്ത്രി പിണറായി വിജയന്‍ പങ്കെടുക്കുന്ന പരിപാടിയിൽ കറുത്ത വസ്ത്രത്തിനും മാസ്ക്കിനും വിലക്കേർപ്പെടുത്തി. ക്കോഴിക്കോട് മീഞ്ചന്ത ആർട്ട്സ് കോളജിലെ പരിപാടിയിലാണ് കറുത്ത വസ്ത്രം ഒഴിവാക്കാന്‍ കോളെജ് ആധികൃതർ നിർദേശം നൽകിയിരിക്കുന്നത്.
വാക്കാൽ നിർദേശം നൽകിയത് കോളെജ് പ്രിൻസിപ്പലാണെന്നാണ് വിദ്യാർത്ഥികൾ പറയുന്നത്. കോളജിന് സമീപം കനത്ത പൊലീസ് സുരക്ഷയാണ് ഒരുക്കുകിയിരിക്കുന്നത്. കോളജിന് അകത്തേക്ക് ഐഡി കാര്‍ഡ് ഉള്ളവരെ മാത്രമാണ് കയറ്റി വിടുന്നത്. എന്നാൽ പൊലീസ് കറുത്ത വസ്ത്രവുമായി ബന്ധപ്പെട്ട് ഇത്തരത്തിലൊരു നിർദ്ദേശം നൽകിയിട്ടില്ലെന്ന് ഉന്നത പൊലീസ് വ്യത്തങ്ങൾ പ്രതികരിച്ചു.
മുഖ്യമന്ത്രിയുടെ സന്ദര്‍ശനവുമായി ബന്ധപ്പെട്ട് നാല് കെഎസ്‌യു, യൂത്ത് ലീഗ് പ്രവര്‍ത്തകരെ പൊലീസ് കരുതല്‍ തടങ്കലില്‍ എടുത്തിട്ടുണ്ട്.
Share This Post
